EID ke Din ke Ahkam or Masail*

*EID ke Din ke Ahkam or Masail*
----------------------------------------------------
👉 *Eidul Fitr ki Namaz ka Sahi Tareeqa*

👉 *Aurto ki Eid Ki Namaz ka Hukum*

*Ye 25 Bate jiska janna Zaroori*
👇👇👇👇👇👇👇👇👇
---------------------------------------------------
👉1) Eid ke din *Ghusl karna mustahab hai*
📚. (Moatta-1/177, Zaadul maad-1/442)

👉2)  Eid ke din *libas me se sabse umda libas pehnna mustahab hai.* 📚(Sahih Bukhari-886, 948, Tabrani-7609, Majmua az-zawaid-2/198)

👉 Yad rahe ki eidain ke mauqe par behetreen libas pehenne ke silsile me yeh tambiyah zaruri hai ki koi musalman is gharz se apne wasaail se tajaawuz na kare kyunki aisa karna durust nahi. har musalman apne wasaail ki hudood me umda libas pehne. agar naya libas banane ki isteta'at na ho to mojuda libas me sabse umda libas pehen le. bazar se naya libas kharid kar pehenna farz nahi hai. lekin afsos ki log eid ke din fajr ki namaz padhne ke liye itne fikrmand nahi rehte (joki farz hai) jitna naya libas pehenne ke liye rehte hain. Allah hame aqle saleem ata farmaye. Ameen.

👉3) Namaze Eidul fitr ke liye eidgah jane se pehle *kuch kha lena aur namaze eidul azha ke liye jane se pehle kuch na khana mustahab hai*. aur namaze eidul fitr se pehle taaq adad (odd numbers) me khajoor kha lena bhi mustahab hai. 📚(Tirmizi-542, Bukhari-953)

👉4)  Eid ki namaz har mukallaf shakhs ke liye *farz hai.* aur kisi momin ke liye ise chhorna jaiz nahi. 📚(Bukhari-974, 980, 981, Abu Dawud-1157, Majmua Fatawa imam ibne taimiya-23/161)

👉5)  Eid ki namaz me *takheer karna durust nahi.* tuloo aftab ke bad awwal waqt me padh lena mustahab hai.
📚(Abu Dawud-1135)

👉6) Namaze eidain ka *akhiri waqt zawaal aftab* hai jaisa ki nabi karim sallallahu alaihi wa sallam ne zawaal aftab ke bad chand nazar ane ki khabar milne par kaha- "kal subha log eid ki namaz ke liye eidgah pahunche"
📚 (Abu Dawud-1157)

👉7)  Eid ki namaz *Abaadi se bahar nikal kar khule maidan me padhna sunnat hai.* (Bukhari-956, Abu Dawud-1158). Hazrat Ali raziAllahu anhu farmate hain *"Agar yeh amal sunnat na hota to main masjid me namaz padh leta"* (Ibne abi shaiba-2/185, Naylul awtaar-2/591, Fatehul bari-3/126)

👉8) Agar *barish ho jae to phir eid ki namaz masjid me padhi ja sakti hai.*
📚(Behqi-3/310)

👉9) *Auraton ko bhi nihayat hi sadgi ke sath eidgah jana chahiye aur namaz ada karna chahiye* siwaye hayza aurato ke. lekin woh bhi dua me shareek hone ke liye sath ja sakti hai.
📚 (Bukhari-981, Al-mughni-3/265)

👉 10) *Auraten khushbu laga kar na niklen*.
📚 (Tirmizi-2786, Muslim-997)

👉11) *Aurto ko Eid ki namaz ka hukum*
👉Rasoolallah ﷺ *aurto ko eid ki namaz ke liye jane ki taqeed karte (jo nhi ja sakti unko bhi)*
📚[Sahi Bukhari:#974]

👉 12)  *Bacho ko eidgah le kar jana jaiz aur durust hai.*
📚(Bukhari-975)

👉 13)  Eidgah jate hue *buland awaz se takbeeren kehni chahiye.* 📚 (Silsilatul ahadise sahiha-171)

👉14)  Eidul fitr me Shawwal ka chand dekhne ke bad se namaz eidul fitr ki adaigi tak takbeeren kehni chahiye (ibne abbas raziallahu anhu, tafsir fatehul qadir1/242) aur eidul azha me 1 zul hijja se 13 zul hijja ki sham tak takbeeren kehni chahiye.
📚(Bukhari-969, Majmua fatawa-24/221)

👉15)  *Takbeerat ke Alfaaz-*

1- *Allahu akbar Allahu akbar la ilaha illallahu, wallahu akbar Allahu akbar walillahil hamd*
📚 (Ibne abi shaiba-1/488, Tabrani-9/355)

2- *Allahu akbar, Allahu akbar, Allahu akbar kabeera*
📚(Behqi fi sunan al-kubra-3/316)

👉16)  *Auraten bhi takbeerat kahen.*
📚(Bukhari-970)

👉17)  *Namaze eid ke liye azan aur iqamat nahi hai.*
📚(Muslim-887, Abu Dawud-1148)

👉18)  Namaze *eid se pehle ya baad me koi nafil namaz nahi hai*. 📚(Bukhari-989, Abu Dawud-1159, Tirmizi-537, Ibn Maja-1291)

👉19) Eid ki *namaz ke bad ghar jakar 2 rakaat padhi ja sakti hai.*
📚 (ibn Maja-1293)

👉 20) Eidgah me *imam ke samne sutrah rakh dena chahiye.*
📚(Bukhari-973)

👉 21) *Eid ki namaz 2 rakaat hai.*
📚(Bukhari-989)

👉 22) Eid ki namaz ke bad *mubarakbad* dene ke silsile me nabi karim sallallahu alaihi wa sallam se to kuch bhi sabit nahi lekin sahaba ikram se baaz aasaar milte hain. Woh ek dusre ko in alfaaz me mubarakbad dete the-

"تقبل اللہ منا و منک"

*"Tabbal Allahu minna wa minka"* . (Fatehul bari-2/446)

👉23) *Wapsi par rasta badal lena* chahiye. (Bukhari-986).

👉 24)  *Eid agar juma ke din a jae to aisi surat me eid ki namaz mamool ke mutabiq hi ada ki jaegi lekin juma me ikhtiyar hoga yani agar koi chahe to masjid me hazir hokar juma padh le aur agar chahe to na padhe lekin yeh yad rahe juma na padhne wale namaze zuhar akele ya ba jamaat ada karen*. (Abu Dawud-1070, ibn maja-131, Nasaai-1591)

👉25)  *Eid ke din roza rakhna mana hai*.
📚 (Bukhari-1993)
---------------------------------------------------
➡ *Eidul-fitr ki Namaz ka tariqa Quran or Sunnat ki roshni me.*
--------------------------------------------------
*Eid ki namaz 2 rakaat hai.*
📚(Bukhari-989)

👉 *Namaz ki niyat:-*
*Niyat dil me honi chahiye zaban se niyat karne ka koi suboot nhi milta hai*.

Ibn Taymiah RH ne kaha *Niyat dil ke irade ko kahte hain aur irade ka maqam dil hai, zaban nahi.*
📚 (Fatawa Kubra 1/1 )
*zaban se niyat karne ka koi suboot na to Khud Rasoolullah ﷺ se hai aur na kisi sahabi, tabiyee etc se milta hai.*

👉 Eid ki namaz me *pehli rakat me 7 takbeeren aur dusri rakat me 5 takbeeren hain, aur qirat takbeeron ke bad ki jaegi*
📚 (Abu Dawud-1151, Tirmizi-536, Ibn Maja-1277)

👉 *6 takbeerat kisi bhi sahih hadis se sabit nahi hain.*

👉 *Rafaidain*:- 👇👇
Takbeerat-e-eidain me *Rafa yadain* ke mutalliq ulama me ikhtelaf hai. Imam shafai, imam ahmed, imam auzai aur imam ata r.a. farmate hai ki har takbir ke sath rafa yadain kiya jaega jabki imam malik, imam ibn hazm aur imam sauri r.a. ka kehna hai ki takbir tehrima ke alawa kisi takbir me rafa yadain na kiya jae. (Al-awsat ibn al-munzur-4/282). jo log rafa yadain karne ke qail hain woh is hadis se istedlaal karte hain-

"Ibne umar raziallahu anhu bayan karte hain ki nabi karim sallallahu alaihi wa sallam har rakat aur har us takbeer me dono hath uthate jo aap rukoo se pehle karte"
📚 (Abu Dawud-822)

👉 Nabi kareem (Sallallahu alaihi wa sallam) eid ki namazo me *Surah Aala aur Surah Ghashiya* padha karte the.
📚 (Abu Dawud-1122)

👉 *Fir surah fatiha padhna Fir surah ka pdhna.*

(Rasoolallah sallalahu-alaihiwasalam se ye surah ka padhna sabit hai. Phli rikat me Soorat Qaf ya Soorat al-A’la Doosri me Soorat al-Qamr ya al-Ghaashiyah.)

📚[Abu Dawood:# 1155]

👉 *fir namaz ka pura kr ke salam fer kar Namaz ke bad khutba dena.*

Rasoolallah sallalahu-alaihiwasalam eid ki namaz pahle padhte or fir bad me khutba dete the.

📚[Sahih Bukhari:# 957]  (Bukhari-963)

👉 Namaze eid ka sirf *ek khutba hai*. (Bukhari-963, 962, 958). *2 khutbe kisi bhi sahih hadis se sabit nahi hain.*

👉 Khutba-e-eid ke liye mimber mashroo nahi.
📚 (Bukhari-956)

*Sawal jawab ke liye ab hamara Toll free number.*
--------------------------------------------
Aalim and Aalima Dono available in-sha-Allah.
Toll free  18001234433
Time: 9am to 9 Pm (Friday close)

Join our watp grp

https://chat.whatsapp.com/GDiBuwOKsNw3U85nN16zi7

Subscribe Our *Youtube channel*
👇👇👇👇👇
https://www.youtube.com/channel/UCm96sEEZPYUxEMTe-3RD1Bw

*Visit our blog(website typ)*
👇👇
https://beneficialilmcenter.blogspot.com/ ( *yaha bahut sari hadeese maujood hai alhumdullah)*

👉 अगर आपका *कोई सवाल होतो हमे mail कर सकते हैं।* Mail id: sawaljawab24hour@gmail.com
( *हमे आपके सवाल का इंतज़ार रहेगा)*