*"SHAB-E- BARAAT or zaeef wa mangharat Riwayate* 👇👇

*"SHAB-E- BARAAT or  zaeef wa mangharat Riwayate* 👇👇

---------------------------------------------------------- 1) *PEHLI RIWAYAT*

-------------------

"Ayesha raziallahu anha farmati hain ki ek rat rasoolullah sallallhu alaihi wasallam ko bistar par mojood na paa kar main bahar nikli to achanak dekha ki aap baqi qabristan me the, apne mujhe dekh kar farmaya-"kya tumhe is bat ka andesha tha ki Allah aur uske rasul (sallallahu alaihi wasallam) tum par zulm karenge" mene kaha-"Ai Allah ke rasul! Mujhe yeh shak hua tha ki shayad aap aur kisi biwi ke pas chale gae hain, to aapne farmaya-"beshak Allah tala nisf shaban (15 tarikh) ko asman duniya par ata hai phir itne logo ki maghfirat karta hai jitne banu kalb ki bakriyon ke baal hain"

📚-Tirmizi, babus saum, hadis-739.-ibne maja, hadis-1389.

👆 *Deegar aimma ke alawa khud imam tirmizi r.a. ne bhi is riwayat ko zaeef qarar diya hai. Yeh riwayat naqal karne ke bad iske sath hi woh likhte hain ki maine apne ustad muhammad bin ismail bukhari se suna woh farmate the ki yeh riwayat zaeef hai. Is riwayat ko hajjaaj bin irtaat ne yahya bin abi kasir se riwayat kiya, halanki hajjaj ka yahya se samaa (sunna) saabit nahi balki zindagi me unse mulaqat bhi nahi hui. Phir yahya is riwayat ko urwah se naqal kar rahe hain jabki yahya ka urwah se samaa (sunna) bhi sabit nahi. Is tarah yeh riwayat 2 jagah se munqata hai. 2 jagah se munqata riwayaat muhaddasin ki istelaah me shadid darje ki zaeef riwayat hoti hai. Yad rahe ki qissa ayesha raziAllahu anha jo rasool sallallahu alaihi wasallam ke "Baqi" me jane or ahle baqi ke liye dua karne ke mutalliq hai woh sahih hai or sahih muslim waghairah me tafseelan mojood hai lekin isme shaban ki 15vi raat ka koi zikr nahi, mukammal waqiya ke liye dekhiye sahih mislim, kitabul janaiz, hadis-974.*

2) *DUSRI RIWAYAT-*

--------------------------------

"jab shaban ki 15vi raat aye to isme qayaam kiya karo aur uske din ka roza rakha karo kyunki is rat ki sham se hi Allah tala asman duniya par akar farmata hai-"kya koi maghfirat talab karne wala hai ki me isko muaf kar du? Kya koi rizq talab karne wala hai ki me isko rizq du? Kya koi bimar hai ki main use aafiyat du? Kya koi sawal karne wala hai ki me use du? Kya koi......kya koi......yahan tak ki fajr tuloo ho jati hai"

📚-ibne maja, hadis-1388.

👆 *Allama Albani r.a. ne is riwayat ko mozoo (manghadat) qarar diya hai (siisiltuz zaeefa, hadis-2132), iske bajaye bukhari wa muslim ki hadis me hai ki rasulullah sallallahu alaihi wa sallam ne farmaya-"hamara ba barkat wa buland rab har raat ka jab akhiri tihaai hissa baaqi hota hai to woh asman-e-duniya ki taraf nuzool farmata hai, phir kehta hai- *"kaun hai jo mujhse dua mange to me uski dua ko qubool karu? Kaun hai jo mujhse sawal kare to me use ata karu? Kaun hai jo mujhse maafi talab kare to me use maaf kardu?"* Muslim ki riwayat me in alfaaz ka izaafa hai ki "phir woh ba dastoor isi tarah rehta hai yahan tak ki fajr roshan hi jati hai"*

📚-Sahih bukhari, kitabut tahajjud, hadis-1145, sahih muslim, salatul musaafireen, hadis-758.

👆 is sahih hadis ke mutabiq yeh fazilat har rat nasib ho sakti hai lihaza ise shaban ki 15vi raat ke saath khaas karna yaqinan ghalat hai.

*TEESRI RIWAYAT-*

------------------------------

"Jisne shaban ki 15vi raat me 12 rakaat namaz ada ki aur har rakat me 30 mrtaba surah ikhlas padhi to woh jannat me apni jagah dekh leta hai aur apne ahel me se 10 jahannamiyon ke bare me iski sifaarish qubul ki jati hai"

📚-Al'mozuaat lil ibne jozi, jild-2, page-51, 52.

👆 *Imam ibne jozi r.a. ne is riwayat ko "al'mozuaat" me zikr karne ke baad likha hai ki yeh riwayat mozoo (manghadat) hai.*

4) *CHAUTHI RIWAYAT-*

-----------------------------------

*"SALATUL ALFIYAH :* jo shakhs is raat me 100 rakat namaz is tarah padhe ki har rakaat me surah fatiha ke baad surah ikhlaas 11 bar padhe to Allah tala uski har hajat puri kar deta hai, agar woh lohe mehfooz me bad bakht likha gaya ho to Allah tala use mita kar use khush nasib likh deta hai...aur iske ainda ek saal k gunah nahi likhe jate"

📚-Al'mozuaat lil abne jozi, jild-2, page-50, 51.

👆 *"Al'mozuaat" me imam ibne al jozi r.a. is hadis ke mukhtalif turq zikr karne ke bad likhte hain : is riwayat ke mozoo (manghadat) hone me koi shak nahi.*

☑ Yeh aur is qism ki dusri riwayaat jinme shaban ki 15vi raat ki ibadat ki fazilat bayan ki gai hai bil ittefaaq zaeef aur manghadat hain. Aimma ikram, jaise imam shokani, ibne al jozi, ibne hibban, qurtbi, aur suyooti r.a. waghirah ne in riwayaat ko naqabile aitbaar qaraar diya hai. Tafsilaat ke liye dekhiye: al'fawaaid al majmuah, tafsir qurtbi, al'mozuaat lil ibne jozi, waghairah.

------------------

( *हर बात दलील के साथ*)

📱 *Forward ज़रूर करे(अल्लाह अज्र देगा)*