Hajj Pe Jane Se Pehle Maafi Maangna kaisa hai?*

*Hajj Pe Jane Se Pehle Maafi Maangna kaisa hai?*
-----------------------------------------------
(Specially Hujj pe jane se pahle hi mangna kaisa hai?
-------------------------------------------------
👉Hajj Pe Jane Se Pehle Poore Khuloos Ke Saath *Apne Gunaaho Se Tauba Karna Chahiye* Aur Aindah Na Karne Ka Azm e Musammam (Pakka Iradah) Karna Chahiye, *Or jaha tak maafi mangne ki baat hai to usme to ye hai ki jab insan ko maloom ho jaye ki mai ne kisi ko  takleef di hai To us insan se jald se jald maafi mang leni chahiye* Lekin Afsoos ki bat hai ki logo ko Hujj pe jane se pahle hi eski yaad aati hai maafi mangna lo.

👉Kisi Ka Haq Dabaya Ho To Maafi Ke Saath Usko Wapas Kar Dena Chahiye,
👉Agar Haqdaar (Jiska Haq Ho) Na Miley To Sadqa Karna Chahiye, Saath Hi Niyat Rakhni Chahiye Ke Jab Wo Mileyga To Wapas Kar Dengey.
👉Islam Mein Huqooq ul ibad (Bandon Key Huqooq) Ki Ahmiyat Pe Bohat Ubhara Gaya Hai, Aur Yeh Woh Haq Hai Jise Khud Bandah Hi Maaf Kar Sakta Hai, Warna Allah Maaf Nah Karega, Agar Usi Haalat Mein Duniya Se Chala Gaya To Akhirat Mein Uski Neki Mazloom Ko Dey Di Jayegi.

👉Rasoolullah ﷺ ne Farmaya

*Agar Kisi Shakhs Ka Zulm Kisi Doosre Ki Izzat Par Ho Ya Kisi Tareeqa (Se Zulm Kiya Ho) To Aaj Hi, Us Din Ke Aane Se Pehle Maaf Kara Le Jis Din Na Dinar Hongey, Na Dirham, Balke Agar Us Ka Koi Naik Amal Hoga To Uske Zulm Ke Badle Mein Wahi Le Liya Jayega Aur Agar Koi Naik Amal Uske Paas Nahi Hoga To Uske (Mazloom) Saathi Ki Buraiyan Us Par Daal Di Jayengi.*
📚 (Sahih Bukhari: 2449)

Hazrat Abu Hurairah Radhiallahu Anhu Se Riwayat Hai Ke RasoolAllah Sallallahu Alaihi Wasallam Ne Farmaya:
👉 *Kya Tum Jante Ho Ke Muflis Kon Hai? Sahaba Radhiallahu Anhum Ne Arz Kiya:*
Hum Mein Muflis Woh Aadmi Hai Ke Jis Ke Paas Na Dirham Ho or Na Mata’(متاع). Aap Sallallahu Alaihi Wasallam Ne Farmaya:

👉Meri Ummat Ka Muflis Woh Aadmi Hoga Ke Jo Qayamat Key Din Namaz, Roze or Zakat Le Kar Aayega Lekin Us Aadmi Ne Duniya Mein Kisi Ko Gaali Di Hogi, Kisi Par Tohmat Lagai Hogi, Kisi Ka Maal Khaya Hoga, Kisi ka Khoon Bahaya Hoga, Kisi Ko Mara Hoga To Un Sab Logon Ko Us Aadmi Ki Naikiyan Day Di Jayengi Aur Agar Uski Naikiyan Unke Huqooq Ki Adaigi Se Pehlay Hi Khatm Ho Gayeen To Un Logon Ke Gunah Us Aadmi Par Daal Diye Jayenge Phir Us Aadmi Ko Jahannum Mein Daal Diya Jayega.*
📚 (Sahih Muslim: 2581)

👉 Jab Bandah Hajj Jaise Freezey Ki Adaigi Pe Jaa Raha Ho Aur Uske Upar Kisi Ka Haq Reh Jata Ho Ya Usne Kisi Ko *Takleef Diya Ho To Hajj To Ho Jayega* Magar Uske Us Amal Ka Gunah Uske Upar Baqi Rahayga Ya Dosre Lafzon Mein Yeh Kahen Ke Us Gunah Ki Wajah Se Bohat Se Ajr (Sawaab, Badla) Se Mahroom Ho Jayega Jaisa Ki Hadees Mein Hai:

👉Hazrat Abu Hurairah Radhiallahu Anhu Se Riwayat Hai Ke RasoolAllah Sallallahu Alaihi Wasallam Ne Farmaya : Peer (Monday) Aur Jumeraat (Thursday) Ke Din Jannat Ke Darwazay Khol Diye Jate Hain, Aur Har Us Bande Ki Maghfirat Kar Di Jati Hai Jo Allah Taala Ke Saath Shirk Na Karta Ho, Siwaye Us Bande Ke Jo Apne Bhai Ke Saath Keena Rakhta Ho Aur Yeh Kaha Jata Hai Ke Un Dono Ki Taraf Dekhte Raho Yahan Tak Ke Woh Sulah Karlen, Un Dono Ki Taraf Dekhte Raho Yahan Tak Ke Woh Sulah Kar Len Un Dono Ki Taraf Dekhte Raho Yahan Tak Ke Woh Sulah Kar Len.
📚 (Sahih Muslim: 2565)

Join our watp grp
👇👇👇👇👇👇👇
https://chat.whatsapp.com/GDiBuwOKsNw3U85nN16zi7

Subscribe Our *Youtube channel*
👇👇👇👇👇
https://www.youtube.com/channel/UCm96sEEZPYUxEMTe-3RD1Bw

*Visit our blog(website typ)*
👇👇
https://beneficialilmcenter.blogspot.com/ ( *yaha bahut sari hadeese maujood hai alhumdullah)*

👉 अगर आपका *कोई सवाल होतो हमे mail कर सकते हैं।* Mail id: sawaljawab24hour@gmail.com
( *हमे आपके सवाल का इंतज़ार रहेगा)*