*📮 CHRISTMAS ki HAQIQAT aur Ye SHIRK Kyun hai❓*

*📮 CHRISTMAS ki HAQIQAT aur Ye SHIRK Kyun hai❓*

💫Bismillahir RahmanNir Raheem💫

🔴 ‘Christmas’ ki History:

🔹 Isa A’layhi ssalaam ka ek laqab “Christ” hai jisko ham Arabi-Urdu me “Massih” kehte hai.

🔹 ‘Christmas’ lafz bana hai “Mass of Christ” jisko “Christ Mass” bhi kaha jata hai jiska matlab hota hai ke 25 December ko log Church me jama hote hai. Aakhir me shortcut me “Christ Mass” ka “Christmas” hogaya.

🔹Is tarah Isaai har saal ke 25 December ko “Birthday of Christ (Isaa/Jesus)” manate hai.

🔹Lekin wahi log Isaa A’layhi ssalam ki Paidaeesh ke 3 dates batate hai. 25 December English Calender ke mutabik aur 05 ya 06 January Julian Calendar ke mutabik.

🔹Is maujuda English Calendar se Julian Calendar istemaal hota tha.

🔹 ‘English Calendar’ yani ‘Gregorian Calendar’ ko 1582 me Pope Gregory XIII ne shuruwat ki.

🔹In do Calenders me 12-13 din ka farq hai. English Calender, Julian Calender se 15 din pichhe hai.

🔹Lekin Isaa A’layhi ssalam ki Paidaeesh 25 December ya 05/06 January ko hui ye bhi confirm nahi hai. Isliye ye ek bekaar ki behes hai.

🔹 ‘Christmas’ celebration (manane) ka riwaz Isaa A’layhi ssalam ko Asmaan me zinda uthaye jane ke 300 saal baad shuru huwa yani Christmas ki sabse pehle shuruwat 313 me us waqt ke Roman Badshah Constantine ki.

🔴 ‘Merry Christmas’ yani kya❓

🔹Original word Christmas hi hai lekin baad me ‘Merry’ ka izafa kiya gaya. ‘Merry Means cheerful’ yani ‘Khush’hal’.

🔹 ‘Merry Christmas’ kahena aisa hi huwa jaise ‘Happy New Year’.

🔴 25 December ki date kaha se aayi:

🔹Asal me Isaaiyo ka kehna hai ke Maryam (Marry) A’layhi ssalam ko Allah ne ’25 March’ ko Bete ki khushkhari di thi, to thik 9 mahine baad yani ’25 December’ ko Isaa A’layhi ssalam paida hue.

🔹Lekin ek Aurat ko Hamal thaherne ke baad 9 mahine se pahele bhi ya 9 Mahine 9 Din tak bhi delivery hosakti hai. Is baat ki hakikat sirf Allah hi jaane. (Allahu Aalam)

🔴 ‘Christmas’ Manana SHIRK KYUN HAI❓

🔹 Isaa A’layhi ssalam un 5 Jalilul Kadr yani 5 bade Rasoolo me se jinme Nooh, Ibrahim, Musa, Isaa (A’layhi ssalam) aur Muhammad (SallAllahuA’laihiWaSallam) hai.

🔹Ham Musalmano ka Aqeeda hai ye hai Isaa A’layhi ssalam Allah ke ek Rasool the, jinko Utha liya gaya aur Qiyamat se pahle is zameen par Fir se Nazil kiye jayenge.

🔹Lekin Isaaiyo (Christiano) ka kehna ye hai ke Isaa A’layhi ssalam Allah ke Bete (Son of God) hai.

🔹Unka dusra Aqeeda ye hai ke Isaa A’layhi ssalam ko Maut aagayi isliye wo log English Calender me AD (After Death) likhte hai. Misal ke taur aaj 25 December 2017 AD hai. Isaa A’layhi ssalam ko maut aayi ye kehna Qur’an ke khilaf hai kyunke Qur’an kehta hai ke Isaa A’layhi ssalam ko maut nahi ayi. Wo Asman me utha liye gaye.

🔹 Ab ‘Christmas’ yani ‘Isaa A’layhi ssalam ka Paidaeesh ka Din’ dusre alfaaz me ‘Allah ke Bete (Son of God) ka Paidaeesh ka Din’

▪Isi wajah se ‘Merry Christmas’ kahena ‘Shirk’ me dakhil hota hai kyunke Allah ne Quran me apni Zaat ke bareme kaha hai ke Uski koi Awlaad nahi hai. Aage ham ayat pesh karenge.

🔴 Isaai Isaa A’layhi ssalam ko Allah ka beta kyun kahte hai❓

🔹Unka kehna hai ke Isaa A’layhi ssalam bagair baap ke paida kiye gaye isliye Wo Allah ke bete hai.

🔹Lekin Adam A’layhi ssalam bhi to bagair Maa-Baap ke yani Mithi se paida kiye gaye.

▪Utna hi kyun Allah ne Shaitan ko bhi Bagair Maa-Baap yani Aag se paida kiya gaya.

🔹Kya aap Shaitan ko bhi Allah ka beta kahoge.

🔖Fir bhi Adam A’layhi ssalam, Isaa A’layhi ssalam dono Allah ki Makhlooq hai.

🔹Allah ne Qur’an me Elaan kar diya hai ke …

💫لَمْ يَلِدْ وَلَمْ يُولَدْ
“Na Us se Koyi Paida Hua, Na Wo Kisi se Paida Huwa”.

📕(Surah 112 Ikhlaas : 03)

🔹Kisiko Allah ka Beta banana ye bahot hi Sangeen Gunah hai. Allah ke Zaat me Shirk hai. Aise baato se Allah ki panah mangni chahiye.

🔹🔹🔹 Allahu Aalam Bis-Sawab.
〰〰〰〰〰〰〰〰〰〰〰