SADAQA-E-FITR Ke Masail

*"SADAQA-E-FITR Ke Masail*
-------------------------------------------
👉 *Kitna Kg Anaj dena chahiye?*

👉 *Kya Paisa bhi de sakte hain Sadqa e Fitr me?*

👉 *Kispe wajib nahi hai?*

👇👇👇👇👇👇👇👇
----------------------------------------
👉 Sadqa-e-Fitr se muraad Maah-e-Ramadan ke ikhtetaam (end) par *Namaz-e-Eid se pehle Fitrana ada karna hai.*

👉Sadaqa-e-Fitr ka zmaqsad khud ko Rozon ke dauran kiye hue gunahon se paak karna aur Miskeenon ke liye khane ka intezaam karna hai.*
📚(Sunan Ibn Maaja-1827)

👉 Is Sadaqe ko Rasoolullah ﷺ ne *har Musalman Mard, Aurat, Bachche, Boodhe, Jawaan, Azad aur Ghulam par Farz qaraar diya hai.*
📚(Sahih Bukhari: 1503)

👉 Jiske Paas Us *(Eid ke) din aur raat ke liye apni khuraak se zyada anaaj na ho to us par Sadqa-e-Fitr waajib nahi hai*.
📚(Al-Mughni Ibn Qudama: 4/307)

*Sadaqa-e-Fitr me Anaj hi dena Afzal hai, Paisa dena nhi*
---------------------------
👉 *Sadaqa-e-Fitr ki miqdaar:* Iski miqdaar 1 sa'a hai  joki ghar ke har fard ki taraf se ada ki jaegi. Jadeed wazan ke mutabiq 1 Sa'a taqreeban *2.5 kg se 3 kg tak banta hai.*
📚(Sahi Bukhari: 1503, 1506, 1508)

👉Jo cheez bataur Sadaqa-e-Fitr ada ki jaye *woh khaane ka zariya ho. jaise ki Khajoor, jow, Gehoon, Paneer, Munaqqa waghera.*
📚(Sahi Bukhari: 1503, 1506).

📌 *Note:* Sadqa-e-Fitr me Jins (anaaj) ki zqeemat ada kar dena sabit nahi hai* isliye isse parhez karna chahiye. Kyunki Nabi Kareem ﷺ ke zamane me naqad qeemat bhi hua karti thi magar woh sadaqa-e-Fitr me jins (Anaj hi dete the) naki Naqad.

👉 Ibn Taymiyah R.a. farmate hain _ *"Sadaqa-e-Fitr Roz marrah ki khuraak se ada karna chahiye"*
📚 (Majmua Fatawa: 25/35-36).

*Kya Paisa bhi de sakte hain Sadqa e Fitr me?*
---------------------
👉 Baad me *Taba'een ke daur me Jins ke badle Qeemat dene ke Asaar milte hain*.
(Dekhiye Musannaf Ibn Abi Shaybah : 10368, 10371)
👆 Lihaza *majboori ki halat me paise ki soorat me bhi Sadqa-e-Fitr diya ja sakta hai lekin *Afzal* yahi hai ki jins se diya jaye.*
-----------------------------------------
👉Sadaqa-e-Fitr Eid ki *Namaz se pehle ada karna chahiye.* 📚(Bukhari-1503).
👉 Lekin *Eid se ek do din pehle bhi Yeh Sadaqa ada kiya ja sakta hai*.
📚(Bukhari-1511)

👉 Sadaqa-e-Fitr Musalman ki taraf se hi ada kiya jaega. *Agar kisi ke walidayn (Parents) Muslim Na hon to unki taraf se ada nahi kiya jaega.*
📚 (Fathul Bari: 4/142)

👉 Isi tarah *Maa ke pet me jo bacha hai us par Sadqa-e-Fitr nahi hai.*
📚(Kitabul Ijma, Imam Ibn Mundhir: 111)
( *हर बात दलील के साथ*)
Join our watp grp
👇👇👇
*Achhi ilm Hasil krne ke liye*